Ի՞նչ փոփոխություններ են կատարվել. հայտնում է ՀՀ պարետը

ԵՐԵՎԱՆ, 12 ԱՊՐԻԼԻ, Times.am: Պարետ Տիգրան Ավինյանը հայտնում է, որ այսօր ընդունված որոշմամբ որոշ փոփոխություններ են կատարվել ազատ տեղաշարժի իրավունքի և տնտեսական գործունեության տեսակների նկատմամբ ժամանակավորր սահմանափակումներում: Պարետի հրապարակումն ամբողջությամբ՝ ստորև․

«Սիրելի՛ հայրենակիցներ,

Այսօր ընդունված որոշմամբ (https://www.gov.am/files/docs/4009.pdf) որոշ փոփոխություններ են կատարվել ազատ տեղաշարժի իրավունքի և տնտեսական գործունեության տեսակների նկատմամբ ժամանակավորր սահմանափակումներում:

Ապրիլի 13-ից հանվելու են տնտեսական գործունեության որոշ տեսակների նկատմամբ գործող սահմանափակումները:

Մասնավորապես, թույլատրվելու է տնտեսական գործունեությունը՝

– Մշակող արդյունաբերության հատվածում՝
12 – Ծխախոտային արտադրատեսակների արտադրությունը,
23.5 – Ցեմենտի, կրի, գիպսի և գաջի արտադրությունը
23.6 – Բետոնից, ցեմենտից և գիպսից շինվածքների արտադրությունը,
25.11 – Մետաղե կոնստրուկցիաների և դրանց մասերի արտադրությունը,

– Շինարարության հատվածը գրեթե ամբողջությամբ, բացի՝
43․3 – Շինարարության ավարտական փուլի աշխատանքների,

– Մասնագիտական, գիտական և տեխնիկական գործունեության հատվածում՝
71.12 – Ճարտարագիտական գործունեությունը և դրա հետ կապված տեխնիկական խորհրդատվությունները։

Բացի այդ, միայն ապրիլի 14-ին ժամը 00:01-ից մինչև 23:59-ը թույլատրվելու է անձանց տեղաշարժը մշտական բնակության կամ իրենց նախընտրությամբ պարտադիր ինքնամեկուսացման վայր մեկնելու կամ վերադառնալու նպատակով»։