«Հրապարակ»․ Իշխան Սաղաթելյանը՝ գազի ու էլեկտրաէներգիայի օժանդակության ծրագիր մասին
![«Հրապարակ»․ Իշխան Սաղաթելյանը՝ գազի ու էլեկտրաէներգիայի օժանդակության ծրագիր մասին](https://times.am/v3/wp-content/uploads/2020/04/febf554a3a399545394efab3c0735e93.jpg)
Նմանատիպ
«Ինչպե՞ս եք գնահատում համավարակի դեմ կառավարության քայլերը՝ հարցրինք ՀՅԴ ԳՄ ներկայացուցիչ Իշխան Սաղաթելյանին։ «Կառավարությունն ընդամենը գնում է իրադարձությունների հետևից և կանխարգելման գործընթացներ չի իրականացնում, էլ չենք ասում, թե սկզբնական շրջանում որքան անլուրջ էր մոտեցումն այս արհավիրքին»:
Ի՞նչն է պատճառը` կառավարելու հմտության պակա՞սը, թե՞ ֆինանսների դեֆիցիտը։ «Ոչ փորձառու, ոչ կոմպետենտ մարդիկ են շատ հաճախ զբաղեցնում պատասխանատու պաշտոնները, որոնք ինքնասիրահարվածի բարդույթ ունեն և խորը մեծամտություն են դրսևորում»:
Ո՞ւմ նկատի ունեք՝ Նիկոլ Փաշինյանի՞ն, պարետ Տիգրան Ավինյանի՞ն։ «Բոլոր այն պատասխանատուներին, ովքեր իրենց գործը չեն կարողանում պատշաճ կատարել, նաև չեն հետևում այլոց խորհուրդներին»:
Դե, ՀՅԴ-ն բավականին ծեր և տարիքն առած է, ի՞նչ հետևեն, տեսեք` իրենք որքան դինամիկ ու արագ են պարգևավճարների հարցում։ «Էդ մասին թող ՀՀ քաղաքացիները դատեն»:
Իսկ վերջին` գազի ու էլեկտրաէներգիայի օժանդակության ծրագիրն ինչպե՞ս եք գնահատում։ «Գիտեք` տպավորություն է, որ 100 փաստի տրամաբանությամբ ինչ-որ գործողություն է, ընդամենը թվեր հնչեցնելու համար` 220 հազար ընտանիք, 600 հազար մարդ, բայց հարցի լուծման էֆեկտիվություն ու արդյունավետություն չկա, այն երկրորդ պլանում է, իրենց համար կարևորը մեծ-մեծ թվեր հնչեցնելն է, ինչն էլ, անշուշտ, ադեկվատ որոշում չէ»»,-գրում է թերթը:
Մանրամասները՝ թերթի այսօրվա համարում։
Հետևեք մեզ նաև Telegram-ում