Մինչ այսօր Իրանից Հայաստան է տեղափոխվել 850 քաղաքացի. դեսպան
27/04/2020 17:32
Նմանատիպ
ԵՐԵՎԱՆ, 27 ԱՊՐԻԼԻ, Analitik.am: Մինչև հիմա Իրանից Հայաստան է տեղափոխվել 850 քաղաքացի: Այս մասին ապրիլի 27-ին կորոնավիրուսի ազդեցությունը տարածաշրջանի վրա թեմայով քննարկման ժամանակ ասել է Իրանում Հայաստանի արտակարգ և լիազոր դեսպան Արտաշես Թումանյանը:
Թումանյանը հիշեցրել է, որ մարտի 26-ին և 28-ին կազմակերպվել է Հայաստան 2 ավիաչվերթ: «Ինչպես պարզվեց հետո, մարտի 26-ին Հայաստան են ուղևորվել նաև երկու վարակված քաղաքացիներ, որոնք հետո մեկուսացվել են և արդեն ապաքինվել են: Արտակարգ պայմաններում հաջողվել է կարգավորել սահմանին երթևեկությունը, որը սովորական պայմաններում հատում է երկու կողմից 1500 մարդ, և, ինչն ամենագլխավորն է, ապահովել բեռնափոխադրումների անխափանությունը»:
Հետևեք մեզ նաև Telegram-ում