Ռուսաստանը կարող է կորցնել հոկեյի 2023թ աշխարհի առաջնությունը հյուրընկալելու իրավունքը

ԵՐԵՎԱՆ, 21 ՄԱՅԻՍԻ, ArmSport.am: Ըստ ֆիննական Iltalehti պարբերականի, Շվեյցարիան հույս ունի հյուրընկալել Աշխարհի գավաթը, եթե Արբիտրաժային դատարանը (CAS) պահպանի 2019 թվականի դեկտեմբերի 9-ի Համաշխարհային հակադոպինգային գործակալության (WADA) որոշումը:

Հիշեցնենք, որ WADA-ի գործադիր կոմիտեն անցած տարվա վերջին զրկեց Ռուսաստանի հակադոպինգային գործակալությանը (RUSADA) համապատասխանության կարգավիճակից: Դրա պատճառով Ռուսաստանը կարող է կորցնել միջազգային մրցաշարեր անցկացնելու և դրանց կազմակերպման համար դիմելու իրավունքը:

«IIHF-ը, ամենայն հավանականությամբ, դեմ չի լինի Աշխարհի գավաթի 2023 թվականը Ռուսաստանից Շվեյցարիա տեղափոխմանը: Բայց մինչ այժմ շատ քննարկումներ չեն եղել այս թեմայի վերաբերյալ», – ասել է IIHF- ի փոխնախագահ Կալերվո Կումմոլան:

2023 թվականի Աշխարհի գավաթը տեղի կունենա Սանկտ Պետերբուրգում նոր մարզասրահում, որը նախատեսված է 23 հազար հանդիսականի համար: Ըստ աղբյուրի, սառցադաշըի կառուցումը ետ է մնում ժամանակացույցից, այնպես որ երաշխիք չկա, որ այն կկարողանա հյուընկալել աշխարհի առաջնությանը:

Հիշեցնենք, որ 2021 թվականի Աշխարհի գավաթը կանցկացվի Լատվիայում և Բելառուսում, իսկ 2022-ին՝ Ֆինլանդիայում: 2020 թվականի Աշխարհի գավաթը պետք է անցկացվեր Շվեյցարիայում, բայց մրցաշարը չեղարկվեց կորոնավիրուսի պանդեմիայի պատճառով: