«Ժամանակին Նիկոլ Փաշինյանին պատգամավորական անձեռնմխելիությունից զրկելու միջնորդությամբ խորհրդարանին դիմած Արթուր Դավթյանն այսօր Նիկոլ Փաշինյանի հրահանգով դիմում է խորհրդարանին՝ Գագիկ Ծառուկյանին անձեռնմխելիությունից զրկելու միջնորդությամբ։
Չնայած ապացույցները շատ սուղ են, բայց դա չի խանգարի, որ Դավթյանը «պատվով» կատարի իրեն տրված հանձնարարությունը։ «Բարգավաճ Հայաստան» կուսակցության կողմնակիցներն ու Գագիկ Ծառուկյանի համակիրները կհավաքվե՞ն Ազգային ժողովի շենքի մոտ՝ հետաքրքրվեցինք ԲՀԿ գործադիր քարտուղար Նաիրա Զոհրաբյանից։
«Տեղյակ չեմ, ես քաղաքացիների փոխարեն որոշում կայացնել չեմ կարող, որևէ կոչով՝ հավաքվել ԱԺ-ի մոտ, մեր հայրենակիցներին չենք դիմելու։ Մնացածն իրենց գործն է»,-գրում է թերթը։
Մանրամասները՝ թերթի այսօրվա համարում։
