Նազելի Բաղդասարյանը վիրավորական արտահայտություններ է հնչեցրել մեդիադաշտի հասցեին. «Մեդիա պաշտպան»

Նազելի Բաղդասարյանը վիրավորական արտահայտություններ է հնչեցրել մեդիադաշտի հասցեին. «Մեդիա պաշտպան»

ԵՐԵՎԱՆ, 17 ՀՈՒՆԻՍԻ, Times.amԱԺ «Իմ քայլը» խմբակցության պատգամավոր Նազելի Բաղդասարյանը վիրավորական արտահայտություններ է հնչեցրել մեդիադաշտի հասցեին։ Այս մասին գրել է «Մեդիա պաշտպան» նախաձեռնությունը։

«Նազելի Բաղդասարյանն այն պատգամավորներից մեկն է, որը նախկինում զբաղվել է լրագրությամբ, իսկ նրա մայրը մինչև հիմա էլ զբաղված է մեդիաբիզնեսով։

Նազելի Բաղդասարյանն իր խոսքում անցել է բարեկրթության սահմանները, անարգանք է դրսևորել նախկին գործընկերների հանդեպ` խախտելով գործընկերային էթիկայի կանոնները։

«Մեդիա պաշտպան» նախաձեռնությունը կոչ է անում օրենսդիր մարմնի և ԱԺ «Իմ Քայլը» խմբակցության ղեկավարներին հետևողական լինել իրենց գործընկերների պահվածքին, մեդիայի հանդեպ գործարկվող մտքերին ու բառամթերքին»,– ասված է գրառման մեջ։

Հետևեք մեզ նաև Telegram-ում