Ըմբշամարտ. Ազատ ոճայինները փակ հավաք կանցկացնեն Ծաղկաձորում

ԵՐԵՎԱՆ, 8 ՀՈՒLԻՍԻ, ArmSport.am: Ազատ ոճի ըմբշամարտի Հայաստանի հավաքականը Հաբեթնակ Կուրղինյանի գլխավորությամբ այսօրվանից՝ հուլիսի 8-ից, սկսում է փակ հավաք Ծաղկաձորում՝ պահպանելով պարետատան բոլոր ցուցումները։

Այս մասին հայտնում է Հայաստանի ըմբշամարտի ֆեդերացիայի մամուլի քարտուղարությունը:

Ինչ վերաբերում է հունահռոմեականներին, ապա հավաքականը Էդուարդ Սահակյանի գլխավորությամբ փակ հավաքը կսկսի հուլիսի 15-ից: