5 փոխարինման կանոնը կպահպանվի նաև հաջորդ մրցաշրջանում
15/07/2020 19:45
Նմանատիպ
ԵՐԵՎԱՆ, 15 ՀՈՒLԻՍԻ, ArmSport.am: Հաջորդ մրցաշրջանում ևս համաշխարհային ֆուտբոլում հնարավոր կլինի 5-ական փոխարինում կատարել, հայտնում է Sky Sports-ը՝ հղում կատարելով ֆուտբոլային ասոցիացիաների միջազգային խորհրդին: Համապատասխան որոշումը կայացվել է խորհրդի հերթական նիստի ընթացքում:
Ընդգծվում է, որ 5 փոխարինում իրականացնելու հնարավորությունից օգտվելու վերաբերյալ որոշումը պետք է ընդունեն մրցաշարերի կազմակերպիչները, այսինքն այս կանոնը պարտադիր չի լինի բոլորի համար:
Հիշեցնենք՝ այս որոշումն ընդունվել էր կորոնավիրուսով պայմանավորված դադարից հետո՝ մրցաշրջանի վերսկսմանն ընդառաջ: Որոշվել էր, որ երկարատև դադարից հետո ֆուտբոլիստները չեն կարողանա դիմանալ ծանրաբեռնվածությանը:
Հետևեք մեզ նաև Telegram-ում
