Մեգա-առաջարկ Յուվենթուսին Ռեալի կողմից

ԵՐԵՎԱՆ, 10 ՕԳՈՍՏՈՍԻ, Armsport.am: Sport Mediaset-ը տեղեկացնում է, որ «Ռեալը» ցանկանում է ձեռք բերել «ծեր սինյորայի» առաջատարներից Պաուլո Դիբալայի տրանսֆերը։ «Արքայական» ակումբը մտադիր է գումարից զատ թուրինյան ակումբին առաջարկել կամ Տոնի Կրոսի կամ էլ Իսկոյի ծառայությունները։

Հավելենք, որ նման բանակցությունների դեպքում առավել հավանական է Իսկոյի տարբերակը, քանի որ իսպանացի կիսապաշտպանով լրջորեն հետաքրքրված է «Յուվենթուսի» նորանշանակ գլխավոր մարզիչ Անդրեա Պիռլոն։

Ավելի վաղ հայտնի էր դարձել, որ «Յուվենթուսը» մտադիր է երկարաձգել Դիբալայի պայմանագիրը ու նրան դարձնել թիմի ավագն ու դեմքը։