Հայտնի են դարձել Սուարեսի ու Յուվենտուսի միջև պայմանագրի մանրամասները

ԵՐԵՎԱՆ, 2 ՍԵՊՏԵՄԲԵՐԻ, Armsport.am: Հայտնի են դարձել «Բարսելոնայի» հարձակվող Լուիս Սուարեսի ու «Յուվենտուսի» միջև պայմանագրի մանրամասները:

Լրագրող Նիկոլո Սիրան հայտնում է, որ 33-ամյա ֆուտբոլիստը թուրինյան ակումբի հետ պայմանագիր կստորագրի մինչեւ 2023 թվականը: Ֆուտբոլիստի աշխատավարձը մեկ մրցաշրջանում կկազմի 10 միլիոն եվրո:

Այժմ գործարքն իրականացնելու համար «Յուվենտուսն» ու Սուարեսը պետք է բանակցեն «Բարսելոնայի» հետ: Ըստ Mundo Deportivo-ի, ակումբներն այժմ բանակցություններ են վարում: Կատալոնական ակումբի նոր գլխավոր մարզիչ Ռոնալդ Կումանը անձնական զրույցի ժամանակ ուրուգվայցի հարձակվողին ասել է, որ նա պետք է նոր ակումբ փնտրի: Կողմերը կարող են լուծարել պայմանագիրը փոխադարձ համաձայնությամբ:

Ավելի վաղ Goal-ը հայտնել էր, որ «Բարսելոնան» պետք է 14 միլիոն եվրո վճարի հարձակվող Լուիս Սուարեսի հետ գործող պայմանագիրը խզելու համար: