Օբաման Չինաստանին նախազգուշացրել Է տարածքային խնդիրները լուծելիս ուժի կիրառումից

ԱՄՆ-ի նախագահ Բարաք Օբաման Չինաստանին նախազգուշացրել Է ուժի եւ սպառնալիքների կիրառումից հարեւանների հետ տարածքային վեճերը լուծելիս, որոնք վերաբերում են Հարավչինական եւ Արեւելաչինական ծովերում գտնվող կղզիներին, տեղեկացնում Է «Արմենպրես»-ը:

Ինչպես ասված Է Սպիտակ տան տարածած հայտարարության մեջ, Օբաման Չինաստանին առաջարկել Է հարեւան պետությունների հետ իր ծովային տարածքային վեճերը լուծել խաղաղ ճանապարհով, առանց ուժի ու սպառնալիքների կիրառման:

Նախագահը Վաշինգտոնում հանդիպում Է ունեցել ՉԺՀ-ի պատվիրակության անդամների հետ, որոնք մասնակցում են ռազմավարական եւ տնտեսական հարցերի շուրջ երկխոսության հերթական փուլին: