Էդգար Բաբայանը խփել է հաղթական գնդակն ու հեռացվել խաղադաշտից

ԵՐԵՎԱՆ, 26 ՍԵՊՏԵՄԲԵՐԻ, Armsport.am: Դանիայի առաջին դիվիզիոնի 4-րդ տուրի շրջանակում Էդգար Բաբայանի «Հոբրոն» հյուրընկալվել էր «Վդովրեին» ու հաղթել 2-1 հաշվով:

Հայաստանի հավաքականի անդամ Էդգար Բաբայանը հայտավորված է եղել իր թիմի մեկնարկային կազմում ու 63-րդ րոպեին դարձել է գոլի հեղինակ՝ հաղթանակ պարգևելով իր թիմին, սակայն 13 րոպե անց ուղիղ կարմիր քարտով հեռացվել է խաղադաշտից:

«Հոբրոն» 4 խաղից հետո 7 միավորով 4-րդ հորիզոնականում է: Վնասվածքից հետո Բաբայանն առաջին խաղն էր անցկացնում: