Ողջ գիշեր թշնամին ինտենսիվ կրակ է բացել Մարտունու, Հադրութի…, Քաշաթաղի ուղղությամբ. ԱԻՊԾ
16/10/2020 10:42
Նմանատիպ
ՍՏԵՓԱՆԱԿԵՐՏ, 16 ՀՈԿՏԵՄԲԵՐԻ, Times.am: Ադրբեջանը շարունակում է կրակի տակ պահել Արցախի խաղաղ բնակավայրերը, խախտելով միջազգային կոնվենցիաների բոլոր դրույթները։ Այս մասին ահազանգում է Արցախի արտակարգ իրավիճակների պետական ծառայությունը։
Նշվում է, որ հոկտեմբերի 15-ի լույս 16-ի գիշերը, հատկապես լուսադեմին, թշնամին հրետանու կիրառմամբ ինտենսիվ կրակ է բացել Մարտունի քաղաքի և Կ.Շուկա բնակավայրի ուղղությամբ, իսկ առավոտյան` Բերդաշեն համայնքի ուղղությամբ։
«Հրետակոծվել են Հադրութի շրջանի Տող, Քաշաթաղի շրջանի Տիգրանավան, Այգեհովիտ և Աղավնո բնակավայրերը։
Տուժածների և վնասների մասին տեղեկությունները ճշտվում են»։
Հետևեք մեզ նաև Telegram-ում