Օղորմի ինձ, Ձեզ երանի…

Ինձ ջնջել եմ էրեկվանից
Ու ձեր միջին արդեն չկամ,
Օրապակաս էն խելառից
Էկա վերջին բարևը տամ:

Լի, անպակաս էս սեղանին
Ես մեկ լեղի, մեկ կենաց թաս,
Պիտի ջարդվեմ միանգամից`
Մնացողաց շախն անպակաս:

Ողորմի ձեզ, և մեղա ինձ
Եվ օրերին էս գժավուն,
Ձեր նմանակ ինձ նմանին
Էսօր ես եմ մենակ թաղում:

Էսօր ես եմ, ձեր մեջ չկամ,
Ինձ ջնջել եմ էրեկվանից.
Մնացողաց շախն անպակաս,
Օղորմի ինձ, Ձեզ երանի…

Սամվել Զուլոյան