Գավառի պետթատրոնը արցախցի փոքրիկների համար կազմակերպեց բացօթյա ներկայացում
Նմանատիպ
ԳԱՎԱՌ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Գավառի մանկատան հարեւանությամբ գտնվող մանկական այգում Արցախից Գեղարքունիքի մարզ տեղափոխված ընտանիքների երեխաներին ուրախ տրամադրություն պարգեւեցին Գեղարքունիքի Լ. Քալանթարի անվան դրամատիկական թատրոնի դերասանները:
Ինչպես «Արմենպրես»-ին տեղեկացրին Գեղարքունիքի մարզպետարանի տեղեկատվության եւ հասարակայնության հետ կապերի բաժնից՝ փոքրիկ հանդիսատեսի համար բեմադրվեց Գեւորգ Սարգսյանի «Կախարդական սփռոց» մանկական ներկայացումը:
Արցախցի փոքրիկների ու նրանց ուղեկցող մայրերի հետ զրուցեց Գեղարքունիքի մարզպետ Գնել Սանոսյանը՝ տեղեկանալով նրանց կացության համար անհրաժեշտ պայմանների ապահովման, ինչպես նաեւ մտահոգող խնդիրների մասին:
Գնել Սանոսյանի հանձնարարությամբ Լ. Քալանթարի անվան դրամատիկական թատրոնը բացօթյա մանկական ներկայացումներով հանդես կգա նաեւ մարզի այլ համայնքներում բնակվող արցախցի փոքրիկների առջեւ:
Ներկայացման ավարտին արցախցի երեխաներին քաղցրավենիք բաժանվեց:
Խոսրով Խլղաթյան
Հետևեք մեզ նաև Telegram-ում