Արոնյան. Եկեք այսօր մի կողմ դնենք ամեն բան և խոնարհվենք մեր զինվորների հիշատակի առաջ

ԵՐԵՎԱՆ, 14 ՆՈՅԵՄԲԵՐԻ, Times.am: Աշխարհահռչակ շախմատիստ, գրոսմայստեր Լևոն Արոնյանը գրում է.

«Հարգելի ընկերներ,

Կարծում եմ բոլոր առաջնահերթություններից առաջնահերթ է մեր զոհվածներին հարգանքի տուրք մատուցելը:

Այսօր՝ ժամը 18:00-ին, Ազատության հրապարակում տեղ է ունենալու մոմավառություն՝ ի հիշատակ հայրենիքի համար անմահացած հերոսների:

Եկեք այսօր մի կողմ դնենք ամեն բան և խոնարհվելով մեր զինվորների դիմաց՝ կիսենք նրանց ընտանիքների ցավը»։