ԿԳՄՍ փոխնախարար Նարինե Խաչատուրյանն աշխատանքից ազատման դիմում կներկայացնի

ՀՀ կրթության, գիտության, մշակույթի և սպորտի նախարարի տեղակալ Նարինե Խաչատուրյանը (Թուխիկյանը) աշխատանքից ազատվելու դիմում կներկայացնի։

«Ես պատրաստվում եմ հրաժարականի դիմում ներկայացնել, հիմա գործեր կան նաև Արցախի հետ կապված, կավարտեմ և կտեսնեմ ինչ իրավիճակ կլինի, ըստ այդմ կներկայացնեմ դիմումը»,– Tert.am–ի հետ զրույցում ասաց նա։

«Ես խորհրդակցեցի իմ գործընկերների հետ, հիմա այնպես պետք է անել, որ կառույցը գործի, որովհետև հիմա հրատապ հարցեր կան, և այս պահին սխալ կլինի գործը թողնել կիսատ»,- նշեց նա: Հարցին, թե ո՞րն է աշխատանքից ազատվելու պատճառը, Խաչատուրյանը նշեց. «Հրաժարականը պայմանավորված է պատերազմով, Արցախով, կորուստներով: Այս իրավիճակը վստահ եմ բոլորի համար, ողբերգական է և այս իրավիճակում ինձ համար շատ դժվար է»:

Աղբյուր՝ Irates.am