Միակ համարձակ տղեն Աղվան Հովսեփյանն էր.«Առավոտ»

«Երեկ ՀԱԿ դատապարտված ակտիվիստների համար ՀԱԿ-ի կազմակերպած ավանդական ցույցի ժամանակ ՀԱԿ խմբակցության քարտուղար Արամ Մանուկյանն անդրադարձավ գլխավոր դատախազ Աղվան Հովսեփյանի հայտարարությանը. «25 տարվա մեջ Հայաստանում չի եղել քաղաքական որևէ պաշտոնյա, որը Թուրքիայից գրավոր պահանջ ներկայացնի։ Միակ համարձակ տղեն Աղվան Հովսեփյանն էր, որը գրավոր Թուրքիայից հատուցում և տարածքների վերադարձ է պահանջել։ Ժողովուրդ, սա վերջն է»։

Եվ հավելեց. «Երբ որ ներսում գող են, ներսում հանցագործ են, ապրիլի 12-ը բացահայտված չէ, Հոկտեմբերի 27-ը պարզաբանված չէ, Մարտի 1-ը լրիվ փակված է՝ հանկարծ դատախազությունը իր գործը թողած՝ քաղաքական–հասարակական գործունեության է ծավալում»։ Հիշեցնենք, որ գլխավոր դատախազը հուլիսի 5-ին անցկացված Իրավաբանների համահայկական խորհրդաժողովի ժամանակ հայտարարել էր, որ Հայաստանը պետք է Թուրքիայից վերադարձնի իր կորցրած տարածքները»,–գրում է Առավոտը ։