Մենք չունենք պետականություն, չունենք պետություն․ Լուիզա Ղամբարյան

ԵՐԵՎԱՆ, 16 ԴԵԿՏԵՄԲԵՐԻ, Panorama.am: «Յուրաքանչյուրն իր խղճի պահանջով պետք է ներկայանա այստեղ, ի՞նչ կոչ անել։ Այստեղ ազգային արժանապատվության պահպանության երթ է»,– «Արժանապատվության երթի» ընթացքում ասաց դերասանուհի Լուիզա Ղամբարյանը ։

«Քանի դեռ հանրությունը կոչի մակարդակով է կարող է և չհետևել։ Այ եթե լինի որոշակի ճնշում, շատ բաներ կամաց-կամաց կընկնի իր տեղը»,- նշեց դերասանուհին միևնույն ժամանակ անդրադառնալով հավաքին մշակույթի գործիչների մասնակցությանը։

«Նրանք պետք է այսօր լինեն այստեղ, պետք է լինեն։Իսկ ով որ չի լինում, կտրուկ չեմ գտնվի, եթե հայտարարեմ, որ պատասխանատվություն են կրում նոյեմբերի 9-ի խայտառակ ստորագրության տակ։ Նրանք նույնպես այդ ամենի մեջ իրենց բաժինն ունեն»։

Անդրադառնալով հրադադարից հետո տիրող իրավիճակին և գերիների քանակի ավելացմանը Ղամբարյանն ասաց․ «Սա խոսում է այն մասին, որ մենք չունենք պետականություն,չունենք պետություն»։

Դերասանուհին կոչ արեց քաղաքացիներին միանալ պայքարին, քանի որ սա կուսակցական երթ չէ, քաղաքական պայքար չէ, միայն այդ դեպքում դուրս կգանք ստեղծված իրավիճակից։