Երկրի բնակիչներն այսօր անզեն աչքով կկարողանան տեսնել Յուպիտերի և Սատուրնի «միաձուլումը»

Երկրի գրեթե բոլոր բնակիչները կկարողանան դեկտեմբերի 21-ին սովորական հեռադիտակի միջոցով կամ նույնիսկ առանց դրա տեսնել ամենահազվադեպ աստղագիտական իրադարձություններից մեկը ՝ Սատուրնի և Յուպիտերի «միաձուլումը»: Գլխավորը՝ եղանակը պարզ և անամպ լինի, և որքան մութ է երկինքը, այնքան լավ տեսանելի կլինի, մոլորակները հորիզոնից շատ ցածր կլինեն հարավ-արևմտյան մասում, ավելի լավ է բլուր բարձրանալ մի վայրում, որտեղ հորիզոնը զերծ է բարձր շենքերից և ծառերից: Դեկտեմբերի 21-ին տեղի է ունենալու ուշագրավ բնական երևույթ. Արեգակնային համակարգի երկու ամենամեծ մոլորակները՝ Յուպիտերն ու Սատուրնը, «միաձուլվելու են» գիշերային երկնքում ՝ միմյանց ավելի մոտ հայտնվելով: Աստղագետների խոսքով՝ Արեգակնային համակարգի երկու ամենամեծ մոլորակների մերձեցումները հազվադեպ չեն:

Յուպիտերը 20 տարին մեկ անցնում է Սատուրնի կողքով: Սակայն այս անգամ սպասվում է չափազանց կարճ հեռավորության վրա մերձեցում, որ հազվադեպ է: Մոլորակների շքերթը հնարավոր կլինի դիտել դեկտեմբերի 21-ին՝ մայրամուտից հետո: Եղանակային պայմանների թույլ տալու դեպքում՝ Երկրից Յուպիտերը և Սատուրնը կերևան որպես երկակի մոլորակ: Մոլորակների մերձեցումը կարելի է տեսնել աշխարհի ցանկացած կետից, բայց հասարակածի բնակիչներն ավելի լավ պայմաններ կունենան: Հաջորդ անգամ մերձեցումը կլինի 2400-ին:

Աղբյուր՝ Irates.am