Այս մրցանակը ազգային թիմում ու ակումբում իմ բոլոր թիմակիցների վաստակն է․ Մխիթարյան

ԵՐԵՎԱՆ, 26 ԴԵԿՏԵՄԲԵՐԻ, Armsport.am: Հայաստանի ֆուտբոլի ազգային հավաքականի և իտալական «Ռոմայի» կիսապաշտպան Հենրիխ Մխիթարյանը 10-րդ անգամ ստացավ Հայաստանի լավագույն ֆուտբոլիստի մրցանակը։ Հայ կիսապաշտպանն անդրադարձել է հերթական անգամ իր երկրի լավագույն ֆուտբոլիստի մրցանակը ստանալուն։

«Հայաստանի տարվա խաղացող 10-րդ անգամ։ Շնորհակալ եմ այն մարդկանց, ովքեր իմ կողքին են։ Այս մրցանակը ստանալը ազգային թիմում ու ակումբում իմ բոլոր թիմակիցների վաստակն է։ Մենք խաղում ենք որպես մեկը»,- գրել է Մխիթարյանը։

Մեկնաբանություններում Մխիթարյանին շնորհավորել է նաև «Ռոման»։