Ալիևը հրաժարվել է մասնակցել Իրանի նախագահի երդմնակալության արարողությանը
25/07/2013 17:31
Նմանատիպ
Ադրբեջանի նախագահ Իլհամ Ալիևը հրաժարվել է մասնակցել Իրանի նորընտիր նախագահի երդմնակալության արարողությանը: Ինչպես հաղորդում է «Արմենպրես»-ը, վկայակոչելով ադրբեջանական Haqqin.az-ը, հայտնի է դարձել, որ օգոստոսի 3-ին նախատեսված երդմնակալության արարողությանը Ադրբեջանը կներկայացնի Միլլի մեջլիսի նախագահ Օքթայ Ասադովը:
Ավելի վաղ Իրանի Իսլամական Հանրապետությունից նորընտիր նախագահի երդմնակալության արարողությանը մասնակցելու հրավերն Ադրբեջան եկել էր հենց Իլհամ Ալիևի անունով:
Իրանում կայացած նախագահական ընտրությունների արդյունքում հաղթանակ էր տարել ռեֆորմատորների ներկայացուցիչ Հասան Ռոուհանին, ում օգտին քվեարել էր ընտրողների 50.6 տոկոսը:
Հետևեք մեզ նաև Telegram-ում