Վրաստանում նախկին պատգամավորի եւ կառավարության ներկայացուցչի միջեւ փոխհրաձգություն է տեղի ունեցել

Վրաստանի Սամեգրելո տարածաշրջանի Զուգդիդի շրջանի Ռիկե գյուղում փոխհրաձգություն է տեղի ունեցել խորհրդարանի նախկին պատգամավոր Թենգիզ Ջգուշիայի եւ Զուգդիդի շրջանային իշխանության ղեկավարի տեղակալ Մերաբ Կվարայայի միջեւ:

Ֆիզիկական դիմակայությունից հետո Ջգուշիան մի քանի անգամ կրակել է Կվարայայի վրա, սակայն վերջինս չի տուժել:

Վիճաբանության պատճառը հայտնի չէ: Կատարվում է հետաքննություն: Հայտնի է, որ Թենգիզ Ջգուշիան, որպես նախկին պատգամավոր, զենք պահելու եւ կրելու թույլտվություն ունի: Ներկայում Թենգիզ Ջգուշիան ղեկավարում է «Սամեգրելոյի ձայն» կազմակերպությունը: