Աշխարհի ամենատարեց մայրը երկվորյակ դուստրերին ունեցել է 73 տարեկանում (լուսանկարներ)
Նմանատիպ
Աշխարհի ամենատարեց մայրը համարվող հնդկուհի Հիերամատի Մանգայաման, որն իր երկվորյակ դուստրերին լույս աշխարհ է բերել 2019-ին՝ 73 տարեկանում, ամուսնու մահից հետ նրանց միայնակ է խնամում, գրում է Mirror-ը։ Գրում է Tert.am-ը:
«Ես շատ եմ հուզվում, երբ մտածում եմ, որ նա այլևս չկա։ Նա իր աղջիկների հետ անցկացրեց ընդամենը 12 ամիս, բայց գոնե մահից առաջ ճաշակեց հայրության բերկրանքը»,– ասել է կինը։
Իրենց ամուսնության առաջին տարիներին Հիերամատին և ամուսինը՝ Ռաջան, ծնողներ դառնալու համար դիմել են բազմաթիվ բժիշկների, ստացել են տարբեր բուժումներ, սակայն ապարդյուն։ 2018-ին կինը, լսելով արտամարմնային բեղմնավորման մասին, որոշել է ևս մեկ անգամ փորձել։
Ինչպես նշում է պարբերականը, հաջող հղիությունից հետո 2019-ին ծնվել են զույգի երկվորյակ դուստրերը։
«Երբ առաջին անգամ նրանց գիրկս առա, անմոռանալի և գեղեցիկ զգացողություն էր»,- խոստովանել է կինը։
