«Մեդիա պաշտպանը» կոչ է անում օրենքով սահմանված կարգով աջակցել լրագրող Փայլակ Ֆահրադյանին
Նմանատիպ
Լրագրող Փայլակ Վահրադյանը ֆեյսբուքյան իր էջում ուղիղ միացմամբ հայտնել է, որ Բարձր տեխնոլոգիաների նախարար Հակոբ Արշակյանը սրճարանում հարձակվել է իր վրա։
«Մեդիա պաշտպանը» հայտնում է, որ Փայլակ Ֆահրադյանի տեսագրությունից պարզ է դառնում, որ վնասվել է նրա ձեռքը, և կոտրվել է աշխատանքային համակարգիչը։ Ըստ նախաձեռնության՝ Հակոբ Արշակյանը նեղսրտել է լրագրողի այն հարցից, թե ինչու է նախարարը աշխատանքային ժամին սրճարանում նստած։
«Մեդիա պաշտպան» նախաձեռնությունը կոչ է անում իրավապահ մարմիններին հետևողական լինել և օրենքով սահմանված կարգով աջակցել լրագրող Փայլակ Ֆահրադյանին։ Նմանօրինակ քայլով պաշտոնյան հատել է բարեկրթության բոլոր սահմանները։ Սա բարձրաստիճան պետպաշտոնյային վայել պահվածք չէ և պետք է դատապարտվի ոստիկանության և լրագրողական համայնքի կողմից։
«Մեդիա պաշտպան» նախաձեռնությունն իր սատարումն է հայտնում Փայլակ Ֆահրադյանին։
Հետևեք մեզ նաև Telegram-ում