Թմրամոլ վիրաբույժը թմրանյութ է հափշտակել հիվանդի ստամոքսից
Նմանատիպ
Ռուսաստանի Կրասնոյարսկի երկրամասում վիրաբույժը հինգ գրամ հերոին Է հափշտակել վիրահատված թմրասուրհանդակի ստամոքսից: Ինչպես օգոստոսի 13-ին ԻՏԱՌ-ՏԱՍՍ-ին պարզաբանել Է ներքին գործերի նախարարության (ՆԳՆ) Կրասնոյարսկի երկրամասի վարչության մամուլի ծառայության ներկայացուցիչը, «Բոգոտոլի քաղաքային հիվանդանոցի վիրաբույժը վիրահատել Է ստամոքսի մեջ հերոին տեղափոխող տղամարդուն»: «Դրանից հետո թմրանյութով զետեղակներն առգրավել են քրեական հե տախուզության աշխատակիցները,- ճշտել են ՆԳՆ-ում:- Ոստիկաններն օպերատիվորեն պարզել են, որ թմրաթույնի մի մասը բժիշկը յուրացրել Է», տեղեկացնում Է «Արմենպրես»-ը:
Նրանք ստուգել են բժշկին եւ նրա հագուստի մեջ հայտնաբերել հինգ գրամ հերոին պարունակող փաթեթը: «Ձերբակալման պահին բժիշկը եղել Է թմրադեղային արբեցման վիճակում»,- հավելել են մամուլի ծառայությունում:
Վիրաբույժին սպառնում Է 15 տարվա ազատազրկում:
Հետևեք մեզ նաև Telegram-ում
