Զոհված Աշոտի զինակիցների անակնկալը. երբ նորածինը մայրիկի հետ դուրս էր գրվում, դիմավորել էին հիվանդանոցի մոտ օրհներգով և ծաղիկներով
03/04/2021 20:57
Նմանատիպ
Razm.info-ն գրում է.
«Կապիտան Աշոտ Միքայելյանը զոհվել էր 2020թ. հուլիսին՝ Տավուշում, հետմահու պարգևատրվել Մարտական խաչի առաջին աստիճանի շքանշանով։
Նրա որդին՝ Դավիթը, ծնվեց մարտի 29-ին։ Աշոտի զինակիցները անակնկալ էին արել. երբ նորածինը մայրիկի հետ դուրս էր գրվում, դիմավորել էին հիվանդանոցի մոտ օրհներգով և ծաղիկներով։
Մենք՝ Ռազմինֆոյում, գործի բերումով բավականին չոր ու ցամաք մարդիկ ենք, բայց նույնիսկ մենք էինք հուզվել։
Հաջորդ օրն էլ հրամանատարներն էին այցելել ու մեծական մի նվեր տվել Դավիթին։
Աստված լուսավորի Հայրենիքը պաշտպանելիս ընկած մեր հերոսների հոգիները։ Աստված պահապան մեր զինվորականներին, մեր երեխեքին, մեր Հայրենիքին։
Մեր երկիրն ու մենք ապագա ունենք, քանի դեռ կռվում ենք մեր երկրի համար»։
