Արցախյան պատերազմում հերոսաբար զոհված Գևորգ Արշակյանը ֆենոմեն էր
Նմանատիպ
Արցախյան պատերազմում հերոսաբար զոհված Գևորգ Արշակյանը ֆենոմեն էր: Գևորգն ընդամենը 24 տարեկան էր, բայց հասցրել էր միաժամանակ սովորել և կարմիր դիպլոմով ավարտել Երևանի պետական համալսարանի փիլիսոփայության և հոգեբանության ֆակուլտետը, իրավաբանության ֆակուլտետը, Վազգեն Սարգսանի անվան ռազմական համալսարանը։
Գևորգը դեռևս 2017 թվականին տվել էր մի հարցազրույց, որ կարծես թե ինչ-որ չափով կանխագուշակում էր ապագան, որոշ չափով ցույց տալիս նրա կյանքի և ապրելու դիմանկարը: Հարցազրույցը պատրասվել է դեռևս 4 տարի առաջ, երբ մտքիս եկավ համալսարանի ամենակրեատիվ մարդկանց հետ բլից հարցազրույց անկացնել և որոշ չափով բացահայտել նրանց, իզուր չէր, որ մտքիս հենց առաջինը նա եկավ: Ստորև ներկայացնեմ հարցազրույցը, որը միայն մի մասն է Գևորգ Արշակյան ֆանտաստիկ մարդու հետ:
9 հարց՝ Գևորգ Արշակյանին
– Կամուսնանաս եթե…
– Առանց եթե. ամուսնանալն ընտանիք կազմելու նախապայման է, իսկ ընտանիք կազմելը մարդու առաքելությունն է:
– Կհեռանաս եթե…
– Դիտարկել պետք է ինչից կամ ումից հեռանալը. մի բան կա հաստատ, երկրիցս չեմ հեռանա երբեք:
– Կստես եթե…
– Դա լինի արդարության գինը:
– Կծիծաղես կեղծ եթե…
– Կժպտամ բազմանշանակ, բայց կեղծ ծիծաղի չի հասնի:
– Կբարկանաս եթե…
– Տրամաբանությունը զոհվի:
– Կփրկես դավաճանին եթե…
– Ինքն իրեն ուզում է փրկել:
– Կսպանես եթե…
– Հայրենիքն ու պետությունը պաշտպանելիս, բայց դա արդեն սպանություն չեմ դիտարկի:
– Կպարտվեմ եթե…
– Ինքս ինձ չճանաչեմ:
– Ես Գևորգ Արշակյանն եմ և կարող եմ ի՞նչ անել…
– Կարող եմ վայելել կնոջ գեղեցկությունը:
Հարցազրույցը պատրաստել է Վ. Ամիրջանյանը:
Աղբյուրը՝ 1lurer.am
Հետևեք մեզ նաև Telegram-ում