Սիթին հաղթեց ՊՍԺ-ին (տեսանյութ)
29/04/2021 00:54
Նմանատիպ
Չեմպիոնների լիգայի ընթացիկ խաղարկության կիսաեզրափակչի առաջին հանդիպման շրջանակում ՊՍԺ-ն Փարիզի «Պարկ դե Պրենս» մարզադաշտում մրցեց «Մանչեսթեր Սիթիի» դեմ։
Խաղի 15-րդ րոպեին Դի Մարիայի փոխանցումից հետո հաշիվը բացեց Մարկինյոսը:
Առաջին խաղակեսում «քաղաքաբնակները» 2 անգամ հնարավորություն ստացան, սակայն չօգտագործեցին ՊՍԺ-ի մեծահոգությունը:
Երկրորդ խաղակեսում «Սիթին» տիրեց խաղային ու տարածքային առավելությանը: 7 րոպեի ընթացքում՝ 64-րդ ու 71-րդ րոպեներին Գվարդիոլայի թիմը 2 գնդակ խփեց ու Փարիզում առավելություն ստացավ. աչքի ընկան Դե Բրույնեն ու Մահրեզը:
ՊՍԺ-ն խաղն ավարտեց 10 հոգով. 77-րդ րոպեին ուղիղ կարմիր քարտով հեռացվեց Գանա Գեյեն:
«Սիթին» հաղթեց 2-1 հաշվով, բայց ամեն ինչ կվճռվի պատասխան խաղում:
Հետևեք մեզ նաև Telegram-ում