Ղրղըզստանի ուժայինները գրավել են Տաջիկստանի սահմանային կետը
Նմանատիպ
Ղրղըզստանի ազգային անվտանգության պետական կոմիտեի սահմանային ծառայությունը հաղորդել է, որ իր դիրքերը գնդակոծվել են տաջիկ զինվորականների կողմից: Կրակ է բացվել «Կոժոգար» և «Բուլակ-բաշի» սահմանային կետերի, ինչպես նաև «Կապչիգայի», «Մին-Բուլակ» և «Դոստուկը» սահմանային անցակետերի ուղղությամբ, վերջինս այրվել է: Այդ մասին հաղորդում է «Ինտերֆաքս»-ը:
Բաթկենի շրջանում կառավարության լիազոր ներկայացուցիչ Օմուրբեկ Սուվանալիևը ասել է, որ մարտական բախումներ են սկսվել Տաջիկստանին սահմանակից Ղրղըզստանի այդ շրջանի մեկ այլ հատվածում:
Ղրղըզստանի սահմանային ծառայության «Բորու» հատուկ նշանակության ջոկատը գրավել է Տաջիկստանում գտնվող «Խոջա Ալլոյի» սահմանային կետը:
Ղրղըզստանի սահմանային ծառայությունը հայտնում է նաև, որ երկու երկրներն էլ լրացուցիչ ռազմական ուժեր են կուտակում սահմանի ողջ երկայնքով:
Հինգշաբթի, ապրիլի 29-ին, Ղրղըզստանի ու Տաջիկստանի սահմանին իրավիճակը սրվեց, փոխհրաձգություն էր տեղի ունեցել երկու երկրների զինված ուժերի միջեւ: Երկու կողմերն էլ միմյանց մեղադրում էին լարվածության հրահրման մեջ:
Ղրղըզստանի առողջապահության նախարարության տվյալներով՝ ղրղզական կողմից փոխհրաձգության ընթացքում 17 մարդ վիրավորվել է, մեկը մահացել է:
Հետևեք մեզ նաև Telegram-ում