Փաշինյանը հերքում է, սակայն իր ելույթներում հիմնավորում է, որ այդ գաղտնի մասը կա. Արմեն Մինասյան. ՏԵՍԱՆՅՈՒԹ

Փաստացի, ինչ մտավախություն, որ կար, Փաշինյանն ինքը հայտնեց, որ դրանք տեղին են և ըստ էության, չհերքեց որևէ բան: Այս մասին այսօր ԱԳՆ շենքի դիմաց Tert.am-ի հետ զրույցում ասաց քաղաքագետ Արմեն Մինասյանը՝ խոսելով ենթադրյալ ստորագրվելիք հայ-ադրբեջանական սահմանի դելիմիտացիա և դեմարկացիայի վերաբերյալ եռակողմ փաստաթղթի մասին:

«Մի քանի բան մեն շփոթել ենք, իրականում, Ադրբեջանի հետ մենք վաղ թե ուշ պետք է փաստաթուղթ ստորագրեինք, բայց այդ փաստաթուղթը չպետք է լինի գաղտնի, պետք է այն քննարկել հանրության հետ և որևէ ղեկավարին իրավունք չի տրվել ինքնուրույն որոշել, թե որն է ՀՀ պետական շահը, ՀՀ պետական շահը որոշում է Հայաստանի հանրությունը: Եթե չլինեին այս բացահայտումները, մենք չէինք իմանալու այս փաստաթղթի մասին և իմանալու էինք միջնորդ երկրի կողմից»,-ասաց նա:

Մինասյանը շեշտեց, որ Փաշինյանը հերքում է հավելվածի, գաղտնի հատվածի մասին, սակայն իր ելույթներում հիմնավորում է, որ այդ գաղտնի մասը կա: «Բոլոր մեղադրանքներն ընդունեց: Ես վստահ եմ, որ նա Արծվաշենի խնդիր չի լուծելու, որովհետև չունի այդ ներուժը, որովհետև Արծվաշենի խնդիրները լուծողը կլուծեր նոյեմբերի 10-ից սկսած բոլոր խնդիրները»:

Հիշեցնենք, որ Սուրբ Աթոռում ՀՀ նախկին դեսպան Միքայել Մինասյանը Տելեգրամի իր ալիքում հրապարակել է հայտարարության լուսանկար, որը պատրաստվում է ստորագրել Նիկոլ Փաշինյանն Ալիևի հետ։ Փաստաթղթի ստորագրումը Կառավարության նիստի ժամանակ հաստատել է նաև Նիկոլ Փաշինյանը:

Մանրամասները՝ տեսանյութում