Եգիպտոսի ժամանակավոր նախագահը հանդես կգա հայտարարությամբ

Եգիպտոսի ժամանակավոր նախագահ Ադլի Մանսուրը մոտ ժամանակներս հանդես կգա երկրում առկա իրավիճակի վերաբերյալ հայտարարությամբ:  Այդ մասին տեղեկացնում է Al Arabiya հեռուստաընկերությունը:

Ցուցարարների, գահընկեց արված նախագահ Մուհամմեդ Մուրսիի կողմնակիցների և անվտանգության ուժերի միջև տեղի ունեցած եռօրյա բախումների ընթացքում Եգիպտոսում զոհվել է մոտ 800 մարդ: