5 օր է անցել, բայց 2 տասնյակ անհետ կորած զինծառայողներից, 1 տասնյակն անցնող գերեվարվածներից որևէ լուր չկա

5 օր է անցել, բայց 2 տասնյակ անհետ կորած զինծառայողներից, 1 տասնյակն անցնող գերեվարվածներից որևէ լուր չկա

ԵՐԵՎԱՆ, ՆՈՅԵՄԲԵՐԻ 21, Times․am: Հայաստանի արևելյան սահմանին արձանագրված ադրբեջանական ագրեսիայից 5 օր է անցել, սակայն 2 տասնյակ անհետ կորած հայ զինծառայողներից և մեկ տասնյակն անցնող գերեվարվածներից որևէ տեղեկություն չկա։ Այս մասին ֆեյսբուքյան իր էջում գրել է «Պատիվ ունեմ» խմբակցության պատգամավոր Տիգրան Աբրահամյանը։

«Ըստ էության տեղի է ունեցել լոկալ մարտական գործողություններ՝ երկուստեք խիստ սահմանափակված մարդկային ուժի և զինանոցի կիրառման պայմաններում, իսկ բուն գործողությունների թատերաբեմը ևս մեծ տարածք չի ընդգրկել։

Սակայն այս պայմաններում ունենք կորցրած մարտական հենակետեր, իսկ մի քանի տասնյակ հայ զինծառայողների ճակատագիր շարունակում է անհայտ մնալ։

Սրանք իրենց պաշտոնները միայն իշխանական բարիքներից և արտոնություններից օգտվելու համար են օգտագործում, իսկ որտեղ կա պատասխանատվության խնդիր, գոյություն չունեն»,-գրել է պատգամավորը։

Հետևեք մեզ նաև Telegram-ում