Սրա կարծիքով Ալիևը «կիրթ ու կառուցողական» է, իսկ մենք՝ ավտորիտա՞ր․ Շարմազանով
Նմանատիպ
ԵՐԵՎԱՆ, ԴԵԿՏԵՄԲԵՐԻ 11, Times․am: ՀՀԿ ԳՄ անդամ Էդուարդ Շարմազանովը ֆեյսբուքյան իր էջում գրել է․
«Մարդ ինչքա՞ն պետք է խղճուկ ու հակապետական վիճակում լինի,որ ադրբեջանցիների և թուրքերի հանցագործությունների, ավտորիտարիզմի, շարունակվող հարձակումների դեմ որևէ ծպտուն չհանի, բայց հոխորտա, թե նախկին իշխանությունն ավտորիտար էր։
Փաստորեն, սրա կարծիքով Ալիևը «կիրթ ու կառուցողական» է, իսկ մենք՝ ավտորիտա՞ր։
Երանի չէ՞ր ավտորիտար լինեինք…
Այդ ժամանակ քո նման պետականաքանդ ու պոտենցիալ կապիտուլյանտը ոչ միայն վարչապետի պաշտոն, այլ պատգամավորի մանդատն էլ երազում նույնիսկ չէր տեսնի, իսկ Հայաստանն ու Արցախն էլ անդունդի եզրին չէին հայտնվի։
Հ.Գ. «Արտաքին գործընկերների» մասին գրելուց առաջ էլ հիշի, թե ոնց էր քո «կառուցողական» գործընկեր Ալիևը հիացած ասում, որ «2018 -ի իշխանափոխության մեջ Ադրբեջանն էլ իր լուման ունի»։
Մնում է հասկանանք «ադրբեջանական լուման» ի՞նչ ձևով է դրսևորվել՝ «քյաշ» փողի՞, թե՞ «բանավոր պայմանավորվածության»։
Հետևեք մեզ նաև Telegram-ում