ԵՐԵՎԱՆ, ՀՈՒՆՎԱՐԻ 11, Times․am: Գեղարքունիքի մարզի Վարդենիս համայնքի Վերին Շորժա բնակավայրի ուղղությամբ կրակոցները շարունակվում են, իսկ Կութ բնակավայրի ուղղությամբ կրակոցներ չկան։ Այս մասին 24News-ի հետ զրույցում ասաց Կութի վարչական ղեկավար Սիմա Չիտչյանը։
«Կրակոցներ մեզ մոտ լսվում են, բայց Վերին Շորժայի ուղղությամբ են կրակում», – ասաց Չիտչյանը։
Նշենք, որ ադրբեջանական կողմը հերթական անգամ սկսել է կրակել հայկական դիրքերի ուղղությամբ։
Վերին Շորժայում փոխհրաձգության հետևանքով 5 հայ զինծառայող է վիրավորում ստացել։ Այս մասին թելեգրամյան իր ալիքում գրել է բլոգեր Միկա Բադալյանը՝ տեղեկացնելով, որ այս պահին մարտական գործողությունները շարունակվում են։
