Փարիզում հարձակվել են ռուսական ներկայացուցչության վրա
Նմանատիպ
ԵՐԵՎԱՆ, ՄԱՐՏԻ 7, Times․am: Փարիզում հարձակվել են «Ռոսսոտրուդնիչեստվո» գերատեսչության ներկայացուցչության վրա։ Այս մասին երկուշաբթի հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
Նրա խոսքերով, հարձակումը տեղի է ունեցել մարտի 6-ի լույս 7-ի գիշերը։ Անհայտ անձինք գերատեսչության շենքի վրա են նետել վառելիքով շիշ, որը դիպել է ցանկապատին։ Բարեբախտաբար տուժածներ չկան։
Զախարովան Ֆրանսիայի իշխանություններին կոչ է արել ապահովել Ռուսաստանի պաշտոնական ներկայացուցչությունների անվտանգությունը։
«Ճիշտ այսպիսի հարձակումների էին ենթարկվում Ուկրաինայում ռուսական ներկայացուցչությունները մինչև 2022 թվականը»,-նշել է Զախարովան։
«Պետք չէ տեսք ընդունել, որ նման էքստրեմալ քայլերը «արդար վրդովմունք են», կապված ՌԴ Զինված ուժերի հատուկ գործողությունների հետ», հավելել է դիվանագետը։
Հետևեք մեզ նաև Telegram-ում