Մահացած զինծառայողը միակողմանի ծնողազուրկ էր, մինչ ծառայությունը հողագործությամբ էր զբաղվում

ԵՐԵՎԱՆ, ՄԱՐՏԻ 17, Times․am: Զոհված ժամկետային զինծառայող Ալբերտ Սիրոյանը Արտաշատ համայնքի Վարդաշեն բնակավայրից էր, մինչ ծառայությունը զբաղվում էր հողագործությամբ։ Այս մասին 24News-ին ասաց բնակավայրի նախկին ղեկավար Գևորգ Բարխոյանը։

Ըստ նրա՝ Սիրոյանն անապահով ընտանիքից էր, մոր հետ էր ապրում, հայրը մահացել էր, քույրն էլ ամուսնացել և տեղափոխվել է։

24News-ի տեղեկություններով մայրը որդու ծառայության ընթացքում նույնպես հողագործությամբ էր զբաղվում, քանի որ ընտանիքի ապրուստի միջոցը սա է։ «Ուրիշ աշխատանքով մայրը չի զբաղվում, գյուղում հիմնականում բնակիչները հողագործությամբ են զբաղվում», – ասաց 24News-ի աղբյուրը։

Այսօր առավոտյան պաշտպանության նախարարությունը հաղորդագրություն էր տարածել, որ մարտի 16-ին, ժամը 21:10-ի սահմաններում, հանրապետության հարավ-արևելյան ուղղությամբ տեղակայված մարտական դիրքերից մեկում հայտնաբերվել է ՀՀ ՊՆ N զորամասի ժամկետային զինծառայող, շարքային Ալբերտ Լևոնի Սիրոյանի (ծնվ. 2002թ) դին ծնոտի շրջանում հրազենային վիրավորմամբ: Տարվում է քննություն դեպքի հանգամանքները լիարժեք պարզելու նպատակով։