Ուսանողները մտան ԵՊՀ․ ռեկտոր, նախկին «իմքայլական» պատգամավորն անհետացել էր

ԵՐԵՎԱՆ, ԱՊՐԻԼԻ 26, Times․am: «Երիտասարդության ձայն» նախաձեռնության անդամները, որոնք նաև Երևանի պետական համալսարանի ուսանողներ էին, երեքշաբթի մտան Մայր բուհի շենք՝ կոչ անելով ուսանողությանը միանալ իրենց՝ հանուն Արցախի սկսած պայքարին։ Այս մասին տեղեկացնում է 24News.am-ը։

Նրանք նաև ցանկություն հայտնեցին ԵՊՀ ռեկտոր, նախկին իմքայլական պատգամավոր Հովհաննես Հովհաննիսյանին, որպեսզի Արցախի ճակատագրի մասին հարցեր ուղղեն, սակայն Մայր բուհի ղեկավարը, ըստ աշխատակիցների, իր սենյակում չէր։

«Ու՞ր է ԵՊՀ ռեկտորն աշխատանքային ժամին, կարո՞ղ է այս մարդը, որ չի ցանկանում հանդիպել իր իսկ ուսանողների հետ, ղեկավարել մեր համալսարանը», – հարցրին ուսանողները։

Մանրամասները՝ տեսանյութում։