Երևանում խաղաղ ակցիաների 52 մասնակից է բերման ենթարկվել
27/04/2022 19:46
![Երևանում խաղաղ ակցիաների 52 մասնակից է բերման ենթարկվել](https://times.am/v3/wp-content/uploads/2022/04/4d86a667a8c893c5da808e378b873554.jpg)
Նմանատիպ
ԵՐԵՎԱՆ, ԱՊՐԻԼԻ 27, Times․am: Ոստիկանությունը փորձում է խոչընդոտել Երեւանում տեղի ունեցող խաղաղ ակցիաների իրականացմանը։ «Փաստինֆո»-ի հաղորդմամբ՝ այսօր միաժամանակ տարբեր անհնազանդության գործողություններ են տեղի ունեցել մայրաքաղաքի տարբեր հատվածներում, մետրոյի կայարաններում, որոնց մի շարք մասնակիցների ոստիկանությունը բերման է ենթարկել։
ՀՀ ոստիկանության Հասարակայնության հետ կապերի և լրատվության վարչությունից «Փաստինֆո»-ին հայտնել են, որ բերման է ենթարկվել 52 անձ, որոնցից 46-ը՝ Վարչական իրավախախտումների վերաբերյալ օրենսգրքի 182-րդ հոդվածի հիմքով՝ ոստիկանության ծառայողի օրինական պահանջը չկատարելու համար, իսկ 6 քաղաքացի՝ նույն օրենսգրքի 172,3 հոդվածով նախատեսված արարք կատարելու համար, այն է՝ ոստիկանության ծառայողին վիրավորելը։
Հետևեք մեզ նաև Telegram-ում