Երեխուս հոգեհանգստին իշխանությունը ծաղկեպսակ էր ուղարկել, ասել եմ՝ շպրտեք. տեսանյութ

ԵՐԵՎԱՆ, ԱՊՐԻԼԻ 28, Times․am: Սա պետական դավաճանություն է, թող գան, կանգնեն մեր կողքը, ոչ թե գան, այստեղով երթով գնան: Այս մասին այսօր՝ ապրիլի 28-ին, Գլխավոր դատախազության դիմաց լրագրողների հետ զրույցում ասաց արցախյան 44-օրյա պատերազմում զոհված Մխիթար Գալեյանի հայրը՝ Գարիկ Գալեյանը, գրում է News.am-ը։։

«Սա արդար պահանջ է, քաղաքական պայքար չէ: Այսօր էս երկրի տերը մենք ենք, մենք ենք թանկ վճարել, մեզ չեն կարող օգտագործեբն, մենք ենք օգտագործելու: Մենք չենք եկել քաղաքական պայքարի, եկել ենք մեր երեխաների արյան համար:

25-30 լիտր արյուն է թափվել 44-օրյա պատերազմում, ոնց կարելի է այդ երկիրը, որտեղ մեր երեխաների արյունն է, հանձնել Ադրբեջանին: Այդ հողից մեր երեխաների արյան հոտն է գալիս:

Դրա համար կոչ ենք անում այն ուժերին, որոնք պահանջներ են ներկայացրել, որ իշխանությունները դավաճան են, կանգնեք մեր կողքը: Մեր մասնագիտությունը դարձել է որդեկորուս ծնողը:

Չունե՞ն այս տղաները հինգ բարեկամ, չունե՞ն երեք ընկեր, որ գան մեր կողքը կանգնեն: Դուք մեր կողքին եղել, թիկունքին եղեք, պայքարենք, պրծնենք այս դավաճաններից»,-ասաց նա:

Գալեյանի հայը նշեց, որ իշխանությունը ծաղկեպսակ էր ուղարկել որդու հոգեհանգստի ժամանակ, իր ընկերներին ասել է՝ շպրտեք. «Որովհետեւ ես այնտեղ եմ եղել եւ առաջին իսկ վայրկյանից հասկացել եմ, որ դավաճանություն է»: