Զվարթնոց օդանավակայանում ահազանգ է ստացվել, որ ռումբ կա տեղադրված

ԵՐԵՎԱՆ, ՀՈՒՆԻՍԻ 8, Times․am: SHAMSHYAN.com-ի տեղեկություններով՝ քիչ առաջ Զվարթնոց միջազգային օդանավակայանի էլեկտրոնային հասցեին նամակ է ստացվել, որ օդանավակայանում ռումբ է տեղադրված։

Այս պահին օդանավակայան են ժամանել Արտակարգ իրավիճակների նախարարության Փրկարար ծառայության հրշեջ փրկարարական ջոկատից։ Ժամանել են նաև ճգնաժամային կառավարման ազգային կենտրոնի օպերատիվ խումբն ու սակրավորները։