Գերիների հարազատները գիշերել են Կառավարության շենքի դիմաց

ԵՐԵՎԱՆ, ՕԳՈՍՏՈՍԻ 9, Times․am: Շիրակցի գերիների հարազատները գիշերել են Կառավարության շենքի դիմաց։ Նրանք այս պահին էլ գտնվում են այնտեղ։ Այս մասին NEWS.am-ի հետ զրույցում ասաց գերիներից մեկի հարազատը։

Հիշեցնենք, որ գերիների հարազատները երեկ առավոտից նստացույց են սկսել եւ հանդիպում են պահանջում վարչապետ Նիկոլ Փաշինյանի հետ։ Երեկ ամբողջ օրվա ընթացքում Կառավարությունից այդպես էլ նրանց հետ ոչ մեկը չհանդիպեց։