Պայթուցիկների ներկրման ու վաճառքի արգելքի քննարկումը ցույց է տալիս իշխանության պատեհապաշտ ու գաղափարազուրկ լինելը

ԵՐԵՎԱՆ, ՕԳՈՍՏՈՍԻ 22, Times․am: «Սուրմալու»-ի ողբերգական դեպքից հետո շարունակվում է քննարկվել հրավառության նյութերի և պայթուցիկների ներկրման ու վաճառքի արգելման թեման։ Ընդորում քննարկվում է ոչ միայն հասարակության լայն շրջանակների, որոնց էմոցիոնալ մոտեցումը հասկանալի է ու բնական, այլև իշխանության ներկայացուցիչների կողմից։

Նման քննարկումը ցույց է տալիս պետության անկարողությունն ու իշխանության պատեհապաշտ, գաղափարազուրկ լինելը, պոպուլիստական բնույթը։

Նման մոտեցումը նույնն է, ինչ հավաքեն որսորդական հրացանները որսագողության դեմ պայքարելու համար, արգելեն ավտոմեքենա վարելը վթարներից խուսափելու համար, ի վերջո անդամահատեն տղամարդկանց, բռնաբարության դեպքերը բացառելու համար։

Իրավական պետությունը ոչ թե կացնային որոշումներով է առաջնորդվում, այլ վերահսկում է ոլորտների գործունեությունը, ապահովում անվտանգ միջավայր։

Քանի որ Երևանը համարվում է ներկրման ու վաճառքի գլխավոր կենտրոնը, ապա քաղաքապետի ապագա թեկնածուները պետք է ոչ թե փիառվեն փլատակների վրա, այլև հանդես հան հստակ ծրագրերով, որոնք հետագայում կներկայացնեն օրենսդիր մարմնին։