Աստված չանի՝ գա այն պահը, երբ արցախցին ստիպված պատերազմի օրենքներով գործի նրանց դեմ, ովքեր դավաճանել են իրեն

ԵՐԵՎԱՆ, ՕԳՈՍՏՈՍԻ 30, Times․am: Այն հայը, ով մտածում է, որ Արցախը թշնամուն հանձնելով, վերջապես կապրի անվտանգ ու ապահով, թող հիշի, որ դա անում է անտուն ու անհայրենիք մնացած հազարավոր այլ հայ ընտանիքների հաշվին: Այս մասին Facefook-ի իր էջում գրել է Արցախի ՊԲ նախկին խոսնակ Սենոր Հասրաթյանը:

«Այն հայը, ով մտածում է, որ հազարավոր մանուկ ու ծեր արցախցինների անտուն ու անհայրենիք թողնելով, ապրելու է նիկոլների, գռզոների կամ անդոների «կերտած» առանց Արցախ հայրենիքում, նշանակում է, նա ընդհանրապես չի ճանաչում արցախցուն…

Իսկ ով չի ճանաչում արցախցուն, ասեմ, որ նա հայի այն տեսակն է, ով ատելով պատերազմը, այդուհանդերձ, հանուն իր հայրենական օջախի և ազգային արժանապատվության, պարտադրված է եղել դարերով ապրել ու գործել պատերազմի օրենքներով…

Աստված մի արասցե, որ գա այն պահը, երբ նա ստիպված լինի այդ օրենքներով գործել նաև նրանց դեմ, ովքեր դավաճանել և դավաճանում են իրեն…»,-գրել է նա։