Իսրայելը պատրաստ է Սիրիայում իրադարձությունների զարգացման ցանկացած սցենարի

Իսրայելի իշխանությունները պատրաստ են արձագանքել Սիրիայում իրադարձությունների ցանկացած ուղղությամբ ցարզագցման։ Այս մասին հայտնել է Իսրայելի վարչապետ Բինյամին Նեթանյահուն։

Ինչպես տեղեկացնում է «Ինտերֆաքս»-ը, հրեական պետության ղեկավարը կառավարության կիրակնօրյա նիստին նշել է. «Իսրայելը հանգիստ է եւ վստահ սեփական ուժերին։ Մեր քաղաքացիները գիտեն, որ մենք պատրաստ ենք ցանկացած սցենարի»։

Ավելի վաղ Նեթանյահուն բազմիցս զգուշացրել է, որ Իսրայելը չի միջամտի սիրիական հակամարտությանը, սակայն պատրաստ է կոշտ պատասխանի այն դեպքում, եթե երկիրը հարձակման ենթարկվի Սիրիայի կողմից։