Ադրբեջանական հրետակոծության հետևանքով վիրավորված 7 քաղաքացիական անձանցից 3-ը շարունակում են ստացիոնար բուժումը
19/09/2022 13:11
![Ադրբեջանական հրետակոծության հետևանքով վիրավորված 7 քաղաքացիական անձանցից 3-ը շարունակում են ստացիոնար բուժումը](https://times.am/v3/wp-content/uploads/2022/09/05d8514c6301795e9366927489b05ead.jpg)
Նմանատիպ
ԵՐԵՎԱՆ, ՍԵՊՏԵՄԲԵՐԻ 19, Times․am: Հայկական դիրքերի և բնակավայրերի ուղղությամբ ադրբեջանական զինված ուժերի հրետակոծության հետևանքով վիրավորում ստացած քաղաքացիական 7 անձից 3-ը, սեպտեմբերի 19-ի, ժամը 10:00 դրությամբ, շարունակում է ստացիոնար բուժումը տարբեր բժշկական կենտրոններում: Այս մասին հայտնում են ՀՀ առողջապահության նախարարությունից:
Բուժման մեջ գտնվողներից մեկի առողջական վիճակը գնահատվում է ծայրահեղ ծանր` անկայուն, բժիշկները պայքարում են նրա կյանքի համար:
Ծանր գնահատվող 2 վիրավորի վիճակը բարելավվել է` վերակենդանացման բաժանմունքներից տեղափոխվել են համապատասխան բաժանմունքներ. այժմ նրանց առողջական վիճակը գնահատվում է միջին ծանրության:
Ստացիոնարում բուժվող 4 տուժածներից 1-ն առողջացումով դուրս է գրվել, 3-ը ստացել են ամբուլատոր բուժօգնություն:
Հետևեք մեզ նաև Telegram-ում