Սահմանում վիրավոր ունենք

Նոյեմբերի 23-ին՝ ժամը 13:20-ի սահմաններում, հայ-ադրբեջանական սահմանագոտու արևելյան հատվածում տեղակայված հայկական մարտական դիրքում հակառակորդի կրակոցից հրազենային վիրավորում է ստացել զինծառայող Ռ. Ա.-ն:

Ինչպես հայտնում են ՀՀ պաշտպանության նախարարությունից, զինծառայողի առողջական վիճակը գնահատվում է բավարար, կյանքին վտանգ չի սպառնում:

Հատկանշական է, որ ադրբեջանական կողմից զինված սադրանքը տեղի է ունեցել ճիշտ այն պահին, երբ Երևանում էին ՀԱՊԿ անդամ երկրների նախագահները։