Աշխարհի նոր չեմպիոն ունենք

Իսպանիայում անցկացվող բռնցքամարտի աշխարհի երիտասարդական առաջնությունում Հայաստանի ներկայացուցիչ, Եվրոպայի գործող չեմպիոն Էրիկ Իսրայելյանը հավասարը չի ունեցել 60 կգ քաշային կարգում։

Եզրափակիչում հայ մարզիկը մրցել է Վրաստանը ներկայացնող Գոչա Գուրդալավայի հետ ու վստահ հաղթանակ տոնել:

Առաջին ռաունդում Իսրայելյանը  հաղթել է 5:0 հաշվով:

2-րդ ռաունդում մրցավարը հաշիվ է բացել հօգուտ մրցակցի, բայց Էրիկի առավելությունը այնքան մեծ է եղել, որ մրցավարները 3:2 հաշվով հաղթանակը շնորհել են նրան:

3-րդ ռաունդում Էրիկը 2 անգամ նոկդաունի է ենթարկել վրացի բռնցքամարտիկին և մրցավարները միաձայն հաղթանկը շնորհել են մեր մարզիկին:

Իսպանիայի Լա Նուսիա քաղաքում անցկացվող  առաջնությանն ավելի քան 460 բռնցքամարտիկ է մասնակցել:

Ցավոք, Հայաստանի թիմի մյուս ներկայացուցիչները դուրս են մնացել մեդալների համար պայքարից։