Օբաման ԱՄՆ Կոնգրեսին կոչ է անում կողմ քվեարկել Սիրիայի դեմ ռազմական գործողություններ սկսելուն

ԱՄՆ նախագահ Բարաք Օբաման կոչ է անում ԱՄՆ Կոնգրեսին կողմ քվեարկել Սիրիայի դեմ ռազմական գործողություններ սկսելու առաջարկին: Դրանք կկրճատեն այդ երկրի իշխող ռեժիմի հնարավորությունները հետագայում քիմիական զենք կիրառելու հարցում: Ինչպես հայտնում է «Ինտերֆաքս»-ն, Օբաման նշել է, որ առաջարկը վերաբերում է սահմանափակ գործողությունների իրականացմանը:

«Խոսքը գնում է համաչափ պատասխանի մասին: Սա կփոքրացնի Բաշար Ասադի հնարավորությունները»,- ասել է նա:

Օբաման ևս մեկ անգամ ընդգծել է, որ Ասադին պետք է պատասխանատվության ենթարկել քիմիական զենքի կիրառման համար: