Մամեդյարովը հանդիպել է Իրանի արտգործնախարարին

Ադրբեջանի արտաքին գործերի նախարար Էլմար Մամեդյարովը ՄԱԿ-ի Գլխավոր ասամբլեայի 68-րդ նստաշրջանի շրջանակում Նյու Յորքում հանդիպել է Իրանի իր գործընկեր Մոհամադ Ջավադ Զարիֆի հետ: Այս մասին տեղեկացնում է  ադրբեջանական APA.az-ը:

Հանդիպման ընթացքում երկու երկրների արտգործնախարարները քննարկել են երկկողմ կապերի, Իրանի և Ադրբեջանի միջև տարածաշրջանային և միջազգային համագործակցության ընդլայնմանն առնչվող հարցեր: Սակայն հանդիպման առանցքային թեման եղել է կասպյան ավազանի  կարգավիճակի խնդիրը:

Քննարկվել են նաև համատեղ միջկառավարական հանձնաժողովի  Բաքվում անցկացվելիք հերթական նիստին առնչվող հարցրեը, որոնք,ընգրկում են տնտեսական, առևտրային, հումանիտար ոլորտները:

Կարևորվել է նաև երկու երկրների փորձագետների և աշխատանքային խմբերի միջև խորհրդակցական հանդիպման շուտափույթ անցկացումը, որը կնպաստի էներգետիկ և բեռնափոխադրումների ոլորտում համագործակցության սերտացմանը:

Հանդիպման վերջում Մամեդյարովը Իրանի ԱԳ նախարար Մոհամադ Ջավադ Զարիֆին հրավիրել է Ադրբեջան: